”პრაიდი ჩემთვის, პირველ რიგში, თავისუფლების გამოხატვაა. სოლიდარობა და ერთად ყოფნა, განურჩევლად ორიენტაციისა.
ადამიანები ბევრი განსხვავებული ფერი ვართ. პრაიდი უნდა ჩატარდეს, ჰომოფობიურად განწყობილმა ხალხმა რომ დაინახოს და ყველას მოვუწოდოთ, პატივი სცენ ერთმანეთის პირად თავისუფლებას.
მნიშვნელოვანია, საზოგადოებამ მიგვიღოს, რადგან მრავალფეროვანი და ერთმანეთისგან განსხვავებული ადამიანები ქმნიან ჯანსაღ გარემოს, სადაც თანაცხოვრება ყველას შეუძლია. ამის არარსებობა განსხვავებულ ადამიანს უბიძგებს, სხვაგან, სხვა ქვეყანაში ეძებოს ბედნიერება. ეს მხოლოდ ორიენტაციის საკითხი არაა – ზოგადად, სიახლის მიმღებლობაზეა საუბარი. ეს თუ ჩამკვდარია, მაშინ ვართ იქ, სადაც ვართ, სამწუხაროდ…
ქვიარები ერთად ძლიერები ვართ და თუ ბევრი მეგობარი და მოკავშირე გვყავს, რომლებიც ჩვენით იამაყებენ და სოლიდარობას გამოგვიცხადებენ – ყველაზე ამაყები და ძლიერები ვიქნებით. ”
