ჰომოსექსუალური ურთიერთობების ,,ლეგალური“ და დე ფაქტო კრიმინალიზაცია ქვიარ ადამიანების მიმართ ინსტიტუციონალიზებულ ჰომოფობიას სოციალური დისკრიმინაციის მრავალი გამოვლინება აქვს. ჰომოსექსუალური ურთიერთობების კრიმინალიზაცია ხელისუფლების მართვის ყველა დონეზე ინსტიტუციონალიზებული დისკრიმინაციის გამოხატულებაა. ჰომოსექსუალური ურთიერთობების კრიმინალიზაციის მომწესრიგებელი კანონმდებლობა
მიიჩნევა თუ არა ერთი და იმავე სქესის წყვილების სტაბილური ურთიერთობა ოჯახად? ადამიანის უფლებათა ევროპული კონვენციის მე-8 მუხლი ქორწინებისა და სამოქალაქო პარტნიორობის უფლებას იცავს. ევროპულმა სასამართლომ საქმეზე – Vallianatos and Others v. Greece განმარტა, რომ ერთი და იმავე სქესის წყვილების ურთიერთობა,
საქართველოში დემოკრატია შეიძლება გადაიხედოს და ბოლო ათწლეულში დამყარებული დღის წესრიგი 2024 წლის წინასაარჩევნო პერიოდში კიდევ ერთი რუსული კანონით შეივსოს. “ოჯახური ღირებულებებისა და ბავშვთა დაცვის
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს ემპირიულ და მტკიცებულებაზე დაფუძნებულ
შვედურმა ორგანიზაცია Regnbågsfonden-მა, ”ცისარტყელას ფონდმა”, განცხადება გაავრცელა:
”პრაიდის ღონისძიებასთან დაკავშირებით, რომელიც 5 ივლისს უნდა ჩატარებულიყო, თბილისი პრაიდის შენობაში შეიჭრნენ და ყველაფერი გაანადგურეს. ათასობით ანტი-ლგბტქი ხულიგანმა, რომლებსაც მართლმადიდებლური ეკლესია და პრო-რუსული ჯგუფები უჭერენ მხარს, თბილისი პრაიდს მარშის ჩატარების საშუალება არ მისცა. ქალაქის ქუჩებში ჟურნალისტები და ლგბტქი აქტივისტები თავდასხმის და ძალადობის მსხვერპლი გახდნენ. საქართველოში თემის წევრები მხარდაჭერის ნაკლებობას განიცდიან და როგორც პრემიერმინისტრმა ღარიბაშვილმა განაცხადა – ”მოსახლეობის უმრავლესობა პრაიდის დემონსტრაციის წინააღმდეგია.”
ფონდმა თბილისი პრაიდს 130 000 კრონა შეუგროვა, რომელიც დაგრეული ოფისის რეაბილიტაციას მოხმარდება, რათა ორგანიზაციამ გააგრძელოს მუშაობა ლგბტქი პირების უფლებებსა და უსაფრთხოებაზე.
ეპისკოპალური ეკლესია საქართველოში მხარს უჭერს თბილისი პრაიდს და საკუთარ ფეისბუქ გვერდზე აქვეყნებს:
”ჩვენი ეკლესია მხარს უჭერს გამოხატვის თავისუფლებას და შესაბამისად მხარს უჭერს თბილისი პრაიდს.
მოვუწოდებთ შესაბამის ორგანოებს, დაიცვან პრაიდის მონაწილეები ძალადობრივი ჯგუფების აგრესიისგან.
ყოველი ადამიანი თანასწორია, განურჩევლად სექსუალური ორიენტაციისა!”
ეპისკოპალური ეკლესიის გვერდზე გამოქვეყნებულ პოსტში ასევე წერია, რომ ღმერთს ყველა უყვარს, განურჩევლად სექსუალური ორიენტაციისა.
საზოგადოებრივი მოძრაობა ”რიონის ხეობის გადარჩენისთვის” განცხადებასთან დაკავშირებით, ”ქვიართან” კომენტარი გააკეთა საქართველოს ევანგელურ-ბაპტისტური ეკლესიის ეპისკოპომა, რუსუდან გოცირიძემ.
”სამწუხაროა, რომ ადამიანები, რომელთაც ერთიანი, გულწრფელი პროტესტის იდეის გარშემო გააერთიანა ხალხი, ვერ ხვდებიან სხვა ადამიანების პროტესტის არსს. ნამახვანის ირგვლივ გაერთიანდა ხალხი, რომელთაც არასოდეს პირადად არ შეეხება ამ ჰესის აშენების შემთხვევაში განვითარებული მოვლენები. სოლიდარობის მთელი ძალა იმაში მდგომარეობს, როცა გესმის სხვისი პრობლემა, სხვისი გასაჭირი და იცი, რომ თუკი მხოლოდ ის ადამიანები ამოიღებენ ხმას, რომელნიც უშუალოდ დგანან უმრავლესობის გულცივობის პირისპირ, ვერასოდეს მოერევიან პრობლემას. ამ შემთხვევაში ჩვენ მოწმენი გავხდით ჩვეულებრივი, უმრავლესობის დაცვის მცდელობის მოწმეები. ვწუხვარ, რომ ნამახვანის გმირებისათვის სხვისი ხმის ამოღება პოლიტიკური პროვოკაციაა. ძალიან დასანანია, ძალიან….დასანანია, რომ აქტივისტები, რომლებმაც იციან რას ნიშნავს, როცა ხმის ამოღების გამო პროვოკატორს და პოლიტიკურად მოსყიდულს გეძახიან, დღეს სხვას ეძახის იგივეს…”- ამბობს რუსუდან გოცირიძე.
საზოგადოებრივი მოძრაობა ”რიონის ხეობის გადარჩენისთვის” საინიციატივო ჯგუფმა გუშინ განცხადება გაავრცელა, რომელშიც წერია, რომ “თბილისი პრაიდის” კვირეულის იდეა ერთმნიშვნელოვნად არის არატრადიციული ცხოვრების წესის პროპაგანდა, ეწინააღმდეგება საზოგადოებრივ აზრს, გამოხატავს მხოლოდ გარკვეული ჯგუფის ვიწრო ინტერესებს და მიმართულია სამოქალაქო ერთობის წინააღმდეგ.
ფოტო: ქალები საქართველოდან – ნინა ბაიდაური
იურისტი და უფლებადამცველი ბაია პატარა ფეისბუქზე წერს:
”მეგობრებო, ხსნა თუ სიყვარულში და ერთიანობაშია, ნუ ჩავწიხლავთ ნურავის, ნუ გავრიყავთ ნურავის, ნუ დავამცირებთ ნურავის – მითუმეტეს ქვიარ თემს, მაგათზე ერთგული და თავდადებული აქტივისთა ჯგუფი მართლა არ მინახავს.
ამდენი წელია, ყველა სამოქალაქო აქტივისტს ან პირადად ვეცნობი, ან შორიდან ვაკვირდები, რადგან მხოლოდ სამოქალაქო საზოგადოების მჯერა ამ ქვეყანაში. და ყველაზე რთულ დროს და ყველაზე მწვავე თემებზე ქვიარები გვაჩვენებენ სოლიდარობის და თანადგომის საოცარ მაგალითებს საკუთარი თავგანწირვის ფასად.
როდესმე ხომ უნდა დავინახოთ ეს? როდესმე ხომ უნდა დავაფასოთ ეს?
მე უკეთესი მომავლის მჯერა, სადაც ერთმანეთს დავინდობთ და გავუფრთხილდებით.”
საზოგადოებრივი მოძრაობა ”რიონის ხეობის გადარჩენისთვის” საინიციატივო ჯგუფმა გუშინ განცხადება გაავრცელა, რომელშიც წერია, რომ “თბილისი პრაიდის” კვირეულის იდეა ერთმნიშვნელოვნად არის არატრადიციული ცხოვრების წესის პროპაგანდა, ეწინააღმდეგება საზოგადოებრივ აზრს, გამოხატავს მხოლოდ გარკვეული ჯგუფის ვიწრო ინტერესებს და მიმართულია სამოქალაქო ერთობის წინააღმდეგ.
ფოტო: ვახო ქარელი
”რიონის მცველების” განცხადებას იმასთან დაკავშირებით, რომ თბილისი პრაიდს ემიჯნებიან, იურისტი თამარ გურჩიანი ფეისბუქზე გამოეხმაურა.
”ვერ ააშენებ სახელმწიფოს და ვერ დაიცავ ხეობას, თუ არ დაიცავ ადამიანს. არ არსებობს ისეთი საერთო სიკეთე, რომლის მისაღწევადაც ადამიანის დაჩაგვრა და უგულებელყოფა დასაშვებია, მით უმეტეს, იმ ადამიანის, ვინც უკვე გასრესილია უმრავლესობის მიერ.
ყველამ ვიცით, რომ 4 ივლისს ამერიკის დამოუკიდებლობის დღე აღინიშნება. 1852 წლის 5 ივლისს ფრედერიკ დუგლასმა, თქვა ცნობილი სიტყვა: “რას ნიშნავს 4 ივლისი მონისთვის?” (What to the Slave Is the Fourth of July?) ამ დროისთვის მეცამეტე შესწორება (1865) ჯერ არ მიეღოთ და შავკანიანები ჯერ კიდევ მონობაში ცხოვრობდენ.
“რა არის ამერიკელი მონისთვის თქვენი 4 ივლისი? მე გპასუხობთ: დღე, რომელიც მას წელიწადის სხვა დღეებზე მეტად ანახებს იმ მძიმე უსამართლობას და სისასტიკეს, რომლიც მუდმივი მსხვერლიც თავად არის”.
“What, to the American slave, is your 4th of July? I answer; a day that reveals to him, more than all other days in the year, the gross injustice and cruelty to which he is the constant victim.”
რიონის ხეობის გადარჩენისთვის გამარჯვებას გისურვებთ, მაგრამ, გთხოვთ, დაფიქრდეთ, რას ნიშნავს თქვენი გამარჯვება სხვებისთვის.”
”რიონის ხეობის მცველებმა” დღეს განცხადება გაავრცელეს, რომელშიც წერია, რომ “თბილისი პრაიდის” კვირეულის იდეა ერთმნიშვნელოვნად არის არატრადიციული ცხოვრების წესის პროპაგანდა, ეწინააღმდეგება საზოგადოებრივ აზრს, გამოხატავს მხოლოდ გარკვეული ჯგუფის ვიწრო ინტერესებს და მიმართულია სამოქალაქო ერთობის წინააღმდეგ.
დეკანოზი ილია ჭიღლაძე სოციალურ ქსელში მიმდინარე პრაიდის კვირეულსა და დაგეგმილ ღირსების მარშს ეხმიანება. ის ამბობს, რომ ”საქართველოში ერთხელ და სამუდამოდ უნდა დასრულდეს ძალადობრივი ჰომოფობია და აზრის და სიტყვის მშვიდობიანი გამოხატვის უფლება მიეცეს ყველას, თუ ეს კანონით აკრძალული არაა და სისხლის სამართლის დანაშაული არაა.”
დეკანოზი ასევე საუბრობს პრაიდის მოწინააღმდეგეთა გამოხატვის თავისუფლებაზეც, რომ ყველა ჯგუფს აქვს უფლება გამოხატოს თვისი პოზიცია, მაგრამ ხაზს უსვამს მის ფორმებსა და კანონთან შესაბამისობას – ”ყველა მორწმუნეს და ტრადიციონალისტს აქვს უფლება, მშვიდობიანი და ლოცვითი აქციით გააპროტესტოს პრაიდი და პრაიდის იდეები, მაგრამ რაც გუშინ ვიხილეთ, პროტესტანტების მხრიდან, ეს არაა ქრისტიანობა და სულიერება, ესაა სიველურე და სამართლის დარღვევა.”
ილია ჭიღლაძე ყურადღებას ამახვილებს ულტრამემარჯვეენებისა და ჰომოფობიური ჯგუფების მიერ ხშირად გამოყენებულ გზავნილზე, რომ თითქოს, პრაიდის გავლენით შესაძლებელია ადამიანს ორიენტაცია შეეცვალოს და ბავშვებზე გავლენა მოახდინოს – ”იყო დრო, როდესაც მეც ისევე ვფიქრობდი, როგორც ეს ქსენოფობიური ჯგუფები და მიმაჩნდა, რომ პრაიდის მოწყობა ქვეყნის და ერის დაქცევას უდრის, მაგრამ დღეს ვაანალიზებ, რომ ასეთი მიდგომა არის უკიდურესად პრიმიტიული და უაზრო რამ: გამოხატვის მშვიდობიანი ფორმები არავითარ საშიშროებას არ წარმოადგენს ტრადიციული ფასეულობებისათვის და ქრისტიანობისათვის, ყველა მიმდინარეობას აქვს ქადაგების და პროპაგანდის სამართლებრივი უფლება, თუ კონკრეტული რამ კანონით აკრძალული არაა. ქრისტე თავის ფასეულობებს ქადაგებით ავრცელებდა და არა ძალადობით, ან ვინმეს რეპრესირებით. შეუძლებელია, პრაიდის გამო ვინმე ჰომოსექსუალი გახდეს. მოწოდებები, რომ “ლგბტეები პრაიდით შვილებს გვიპიდარასტებენ” არის უკიდურესად პრიმიტიული გონებაჩლუნგობა, რაც მხოლოდ საკუთარ მორალურ სიმხდალეს და არამდგრადობას ავლენს და შეურაცხყოფას აყენებს საკუთარ და სხვის შვილებს. ვერავინ ვერ “გააპიდარასტებს” ჩვენს შვილებს, თუ ეს მათი პირადი სურვილი და არჩევანი არაა, ეს უნდა შეუშვას ტვინში ყველამ და გაანალიზოს. ვერც ძალით აიძულებს ვერავინ შვილს ჰეტეროსექსუალობას, ესეც უნდა გაიაზროთ და გამოხვედით პუტინისტური იდეოლოგიზირებული მარგინალური პოლიტიკური ჯგუფების ტვინების რეცხვის გავლენებიდან.”
დეკანოზი, აგრესიული ჯგუფების სამართლებრივ პასუხისმგებლობასთან ერთად, ყურადღებას ამახვილებს მათი დაფინასების წარმომავლობაზე და მნიშვნელოვნად მიიჩნევს ამ დაფინანსების წყაროების შეჩერებას.
სალომე ზურაბიშვილი: ძალადობის ყველა ფორმა მიუღებელია, ყველას აქვს უფლება, გამოიყენოს სიტყვისა და გამოსვლის თავისუფლება
საქართველოს პრეზიდენტმა, სალომე ზურაბიშვილმა თბილისი პრაიდის მიერ დაგეგმილ “ღირსების მარშზე” კომენტარი გააკეთა. პრეზიდენტის განცხადებით, მისთვის, როგორც კონსტიტუციის გარანტისთვის, მიუღებელია ძალადობის ყველა ფორმა და სიძულვილის ენის გამოყენება.
“ჩემთვის მიუღებელია ყველა ფორმა ძალადობის, მუქარის, ზეწოლის, სიძულვილის ენის გამოყენება. მიუღებელია იმიტომ, რომ ეს არის დარღვევა ადამიანების კონსტიტუციური უფლებების და მიუღებელია ჩემთვის, როგორც კონსტიტუციის გარანტისა და დამცველისთვის. მე ვთვლი, რომ ყველას აქვს უფლება, გამოიყენოს სიტყვის თავისუფლება. ეს არის ჩვენი ძირძველი ტოლერანტობა, რომელიც არის ჩვენი იდენტობის ნაწილი. ამაზე აშენდა ჩვენი ქვეყანა და ამაზე განვითარდება ხვალაც. ამიტომ ვთვლი, რომ ყველას აქვს გამოსვლის უფლება. ასევე, “თბილისი პრაიდის” მონაწილეებს აქვთ უფლება, რომ გამოხატონ თავიანთი აზრი და გამოიყენონ ის უფლება, რომელიც არის ყველას კონსტიტუციური უფლება, კონსტიტუცის და კანონის მიერ დადგენილ ნორმებში. ეს არის ჩვენი ქვეყნისთვის, ჩვენი ერთიანობისთვის მნიშვნელოვანი.” – განაცხადა სალომე ზურაბიშვლმა.
თბილისი პრაიდის კვირეული 1-5 ივლისის ჩათვლით გაიმართება. 5 ივლისს დაგეგმილია მსვლელეობა რუსთაველიდან დედაენის ბაღის მიმართულებით.
მაია ცირამუა: ჩვენ უნდა შევიცვალოთ. უფრო ადამიანურები უნდა გავხდეთ.
ფსიქოლოგი მაია ცირამუა ფეისბუქზე “თბილისი პრაიდის” კვირეულის დაწყებას ეხმიანება და იმ პრობლემის და გამოწვევების შესახებ წერს, რომლის წინაშეც ლგბტქ+ ადამიანები ყოველდღიურად დგანან.
“პრაიდის კვირეული დაიწყო. რა შემიძლია გავაკეთო მე, ერთმა ადამიანმა იმისათვის, რომ მათ ასე არ სტკიოდეთ?! როგორ შეაჩერებ ამოდენა ზიზღს, აგრესიას, ვერატანას, შერცხვენას, გარიყვას?!
როცა ამ ჯგუფის წარმომადგენლებთან მიმუშავია, ბევრჯერ გამჩენია სირცხვილის განცდა ყველა იმ სისასტიკის გამო, რაც მათ მიმართ სხვებს ჩაუდენიათ. ვფიქრობ, რომ ჩვენ უნდა შევიცვალოთ. უფრო ადამიანურები უნდა გავხდეთ.
ყველაზე სასტიკი მითი, რომელზეც ლგბტქი ადამიანებზე ავრცელებენ არის, ის, რომ მათ აირჩიეს ასეთად ყოფნა. იდენტობა არ არის ცხოვრების წესი. ეს შენ ხარ. ასეთი ხარ და ამის შეცვლას თუ შეეცდები – შენ უბრალოდ აღარ იქნები. მახსოვს ერთმა ზრდასრულმა ადამიანმა პირველად ჩემთან გააკეთა ქამინგაუთი და მითხრა, რომ მთელი ცხოვრება საკუთარ თავს დაატარებს, როგორც გვამს და რომ არასოდეს ჰქონია განცდა რომ სუნთქავს და ცოცხალია.
მეორე სასტიკი მითი – ეს ისაა, რომ ეს ავადმყოფობაა. მეცნიერება დიდი ხანია უკვე იმაზე შეთანხმდა, რომ ეს არაა დაავადება! და თუ ამ ადამიანებს, ისევე, როგორც ყველა დანარჩენს, რაიმე ფსიქიკური ჯანმრთელობის პრობლემა აქვს, ესეც გარემოსთან ურთიერთობას, ბავშვობიდან განცდილ გაუცხოებას და ჩაგვრას უკავშირდება – სოციალური შფოთვა, დეპრესია, დისფორია … ყველაზე გავრცელებული პრობლემებია ამ ჯგუფში. (მოგეხსენებათ სტატისტიკურად ყოველი მეოთხე ადამიანს ერთხელ მაინც ჰქონია ფსიქიკური ჯანმრთელობის გავრცელებული პრობლემები).
საბოლოო ჯამში, ვფიქრობ, რომ მათ მიმართ პოლიტიკური ბრძოლაა. ისე მოხდა, რომ დემოკრატიის, ევროინტეგრაციის წყალგამყოფად ჩვენს ქვეყანაში ეს ჯგუფი იქცა. ეს ტვირთიც მათი სატარებელი აღმოჩნდა.
სისულელეა – ქართველობას გვართმევენ! ტრადიციებს გვართმევენ! – ეს არის იმ მითები, რაც მოძალადეებმა ძალადობის გასამართლებლად გამოიგონეს. ადამიანი ნარცისული არსებაა და ის ვერ იტანს, როცა ცუდად იქცევა, გულისგულში ყველას უნდა კარგი ადამიანი იყოს და ეს მითებიც ამიტომ ჩნდება. ამით ადამიანი საკუთარ თავს ეუბნება – მე კი არა ვარ ცუდი, რომ მათ ვებრძვი, ისინი არიან ცუდები (ქართველობას მართმევენ, ტრადიციებს მართმევენ … ) და ამიტომ ვებრძვი!
ამას გარდა, ყველას არ შეუძლია გაუძლოს რაღაც ილუზორულ განცდას, რომ სხვაზე უპირატესია, უკეთესია, ძლიერია და ა. შ. ესაა ალბათ ყველაზე დიდი ადამიანური სისუსტე და ყველაზე დიდი ბარიერი თანასწორობისთვის. სინამდვილეში სუსტი ადამიანები ჩაგრავენ.
ჩვენ უნდა შევიცვალოთ!
არადა, რა კარგია ცხოვრება როცა შენს გარშემო სამყარო გიყვარს!”
შეგახსენებთ, რომ თბილისი პრაიდის კვირეული 1-5 ივლისის ჩათვლით გაიმართება. 5 ივლისს დაგეგმილია მსვლელობა რუსთაველის გამზირიდან დედაენის ბაღის მიმართულებით.
ილჰამ ომარი: ჩვენ სოლიდარობას ვუცხადებთ ყველას, ვინც საქართველოში თანასწორობისთვის იბრძვის.
ამერიკელი კონგრესმენი დემოკრატიული პარტიიდან, ილჰან ომარი, ტვიტერზე თბილისში დაგეგმილ Tbilisi Pride-ის კვირეულს ეხმიანება და პარლამენტის ყოფილი თავმჯდომარის, ირაკლი კობახიძის განცხადების პასუხად, ტვიტერზე წერს – “ჩვენ სოლიდარობას ვუცხადებთ ყველას, ვინც საქართველოში, თბილისში, თანასწორობისთვის იბრძვის“.
შეგახსენებთ, რომ თბილისი პრაიდის კვირეული 1-5 ივლისის ჩათვლით გაიმართება. 5 ივლისს დაგეგმილია მსვლელობა რუსთაველის გამზირიდან დედაენის ბაღის მიმართულებით.
ფოტო: Oliver Douliery /AFP/ getty images
თამაზ სოზაშვილი: არაფერი განსაკუთრებული იქ არ მოხდება, ნებისმიერ ადამიანს შეუძლია, შემოგვიერთდეს და ჩვენთან ერთად დადგეს
თამაზ სოზაშვილმა, რომელიც თბილისი პრაიდს წარმოადგენს, ტელეკომპანია ”ფორმულას” ეთერში შემდეგი კომენტარი გააკეთა:
”ჩვენ ვცხოვრობთ სამართლებრივ სახელმწიფოში და ამ სამართლებრივი სახელმწიფოს პრინციპებიდან გამომდინარე, ერთადერთი, რაც მიზანშეწონილი არ არის, არის ბატონი კალაძის, კობახიძის და მმართველი გუნდის წევრების დამოკიდებულებები, რომლითაც ისინი კოჭს უგორებენ რუსეთის ორბიტაზე მბრუნავ ლევან ვასაძესა და სხვა ძალადობრივ ჯუფებს. მათ აქვთ საკმარისი დრო იმისთვის, რომ მიიღონ ყველა ის ზომა, რაც საჭიროა ”ღირსების მარშისა” და პრაიდის სხვა ღონისძიებების უსაფრთხოებისთვის.
ჩვენ უკვე გვქონდა ერთი შეხვედრა შინაგან საქმეთა სამინისტროსთან, რომელსაც ჩვენი პარტნიორი ორგანიზაციები ესწრებოდნენ, რომლებთან ერთადაც პრაიდის კვირეულს ვაორგანიზებთ, ასევე, ესწრებოდნენ საერთაშორისო ორგანიზაციებისა და საელჩოების წარმომადგენლები. გავცვალეთ ინფორმაცია, გავაცანით დეტალურად, თუ რა ღონისძიებებია დაგეგმილი. მათ თქვეს, რომ უმეტეს ნაწილს საფრთხე არ ემუქრება და აბსოლუტურად უზრუნველყოფენ უსაფრთხოებას, თუმცა ”ღირსების მარში” მათთვის კვლავ გამოწვევად რჩება.
ეს არის მსვლელობა ღია სივრცეში. ევროპარლამენტარებმაც მოუწოდეს მათ, რომ არ შეიძლება ძალადობის საფრთხის გამო, მშვიდობინი მოქალაქეების ჯგუფს შეეზღუდოს საკუთარი უფლებით სარგებლობა. შესაბამისად, მათ ავიწყდებათ, რომ ეს არ არის მათი ნება, ეს არის მათი ვალდებულება – დაიცვან მშვიდობიანი მოსახლეობის უსაფრთხოება.
ჩვენი სურვილი იყო, რომ ჩვენს შეხვედრებს შინაგან საქმეთა სამინისტროთან რეგულარული სახე მიეღო და უფრო მეტიც, გამხდარიყო ღია მედიისთვის. შინაგან საქმეთა სამინისტროს აქვს პოზიტიური ვალდებულებაც, რომ გაზარდოს ცნობიერება, თუ რას მოიცავს ”ღირსების მარში” – დეზინფორმაციითაა სავსე როგორც სოციალური ქსელი, ასევე ტელევიზიები.
ეს ”ღირსების მარში” არ იქნება ის, რაც აქამდე ქართულ საზოგადოებას არ უნახავს. ლგბტ ადამიანები დგანან სოციალური პროტესტების ყველა იმ მნიშვნელოვან ნაწილში, რაც ქართულ საზოგადოებას აწუხებს. გავიხსენებ ძალიან ბევრს – ქალთა მოძრაობა, ”სირცხვილის” მიერ ორგანიზებულ აქციები, ნამახვანჰესის აქციები და ა.შ. აქაც ძირითადად იგივე ადამიანები იქნებიან, უბრალოდ, განსხვავება არის ის, რომ მთავარი ორგანიზატორი არის თბილისი პრაიდი და თემა, რომლის გარშემოც ვერთიანდებით, არის ლგბტ საკითხები. არაფერი განსაკუთრებული იქ არ მოხდება, ნებისმიერ ადამიანს შეუძლია, შემოგვიერთდეს და ჩვენთან ერთად დადგეს.”
