დაჩი შოშიტაშვილი – მეც აქ ვარ!

პრაიდი ჩემთვის სილაღესთან და ბევრ სიყვარულთან ასოცირდება. ალბათ, იმიტომ, რომ მრავალფეროვნებას ეს ყველაფერი ბუნებრივად თან სდევს. როდესაც ადამიანი დისკრიმინაციის მსხვერპლი ნაკლებადაა, მას ამასთან გამკლავებაში დიდი რესურსის ჩადება არ უწევს, შესაბამისად, მთელი მისი ძალისხმევა პიროვნულ განვითარებას ეთმობა. შემდგარი და რეალიზებული მოქალაქეები კი ქვეყნის განვითარების წინაპირობაა. სანამ ქვეყანაში თითოეული ადამიანი არ დაფასდება განურჩევლად მისი განსხვავებულობისა, ჩვენი ქვეყანა ვერ განვითარდება.

წელს პირველად გადავწყვიტე, რომ ღირსების მარშს აუცილებლად შევუერთდე. ხშირად, ქვიარ თემი საზოგადოებისთვის მისგან ძალიან შორს მდგომი ჯგუფია, რომლის მიმართაც, ძირითადად, ნეგატიური დამოკიდებულება არსებობს. ბუნებრივიცაა, ეშინიათ იმის, რასაც არ იცნობენ. სამწუხაროდ,  ჩვენი საზოგადოების დიდი ნაწილი აყოლილია ირაციონალურ შიშებს, რომელსაც ჰომოფობიურად განწყობილი ჯგუფები ხალხში ავრცელებენ. მნიშვნელოვანია, საზოგადოებამ დაინახოს, რომ ქვიარ თემის წარმომადგენლები ისეთივე ადამიანები არიან, როგორც ყველა და მათაც ისევე აქვთ საჯარო სივრცით სარგებლობის უფლება, როგორც საქართველოს ყველა მოქალაქეს.

ასევე, ბოლო წლების გამოცდილება აჩვენებს, რომ ჰომოფობიურად განწყობილი ჯგუფები ახერხებენ ქვიარ თემისათვის საჯარო სივრცით სარგებლობის უფლების შეზღუდვას, ამიტომ მნიშვნელოვანია, ამ ხალხმა დაინახოს, რომ ეს ქვეყანა მხოლოდ მათ არ ეკუთვნით და ქვიარ თემის მხარდამჭერებიც სრულფასოვანი მოქალაქეები არიან.

ქვიარ თემი საზოგადოების ერთ-ერთი ყველაზე სოლიდარული ჯგუფია – მათ საკუთარ თავზე აქვთ გამოცდილი ჩაგვრა და ყველაზე უკეთ იციან სოლიდარობის ფასი. ბოლო წლებსაც თუ გადავხედავთ, ქვიარ თემი ყველა ჯანსაღი პროტესტის მონაწილე იყო. ზოგადად, ადამიანებს ბევრად მეტი რამ გვაერთიანებს, ვიდრე გვყოფს. მნიშვნელოვანია, რომ ჩვენ ერთმანეთის ენაზე საუბარი შევძლოთ, მხოლოდ ეს ერთობა ჩამოგვაყალიბებს ჯანსაღ საზოგადოებად.

და ბოლოს, სიყვარულის გამო ადამიანები არ ისჯებიან.

წინა

ქრისტი დათიაშვილი – მეც აქ ვარ!

შემდეგი

2021 წლის ლონდონი პრაიდის მთვარი აღლუმი 11 სექტემბერს ჩატარდება

ბოლო სიახლეები

ქვიარების მედეგობა და სიძლიერე

სულაც არ გამკვირვებია, როდესაც ერთ-ერთ სამეცნიერო ნაშრომში წავაწყდი მტკიცებას იმის შესახებ, რომ ქვიარებისთვის დამახასიათებელი თვისებაა ცხოვრებისეული

იოგას თერაპიული პრაქტიკა ქვიარების მხარდასაჭერად

ჩვენი საზოგადოების წევრებისთვის და ალბათ, ზოგადად, ადამიანების უმეტესობისთვის დამახასიათებელია მათთვის უცხო ან ახალი იდეების მიმართ გარკვეული

სად არის შენი ადგილი?

გოჩა გაბოძის ბლოგი ნაცნობთა შორის თითქოს უცხო ხარ. უცხოთა შორისაც, უცხო ხარ. გაუცხოებაში კი გადის ცხოვრება.

“შესაძლოა, მთელი ანტიკური ლიტერატურა ასაკრძალ სიაში მოხვდეს” – ინტერვიუ ნანა აბულაძესთან

ნანა აბულაძე ქვიარ და ფემინისტურ ლიტერატურაზე ნანა აბულაძე თანამედროვე ქართველი ავტორია, რომლის ლიტერატურული დებიუტიც სულ რამდენიმე

ჰომოსექსუალობის კრიმინალიზება – თანამედროვე ტენდენციები

ჰომოსექსუალური ურთიერთობების ,,ლეგალური“  და დე ფაქტო კრიმინალიზაცია ქვიარ ადამიანების მიმართ ინსტიტუციონალიზებულ ჰომოფობიას სოციალური დისკრიმინაციის მრავალი გამოვლინება