პანსექსუალების დროშის მსგავსად, ასექსეუალების დროშაც 2010 წელს შეიქმნა და ის რამდენიმე იდენტობას გამოხატავს, მათ შორის, დემისექსუალობას. დემისექსუალია ადამიანი, რომელსაც სექსუალური მიზიდულობა სხვის მიმართ აქვს მხოლოდ მაშინ, როდესაც მათ შორის ემოციური კავშირი არსებობს.
ასექსუალების წარმოსაჩენად საჭირო იყო სიმბოლო, რომელიც არ იქნებოდა მიბმული რომელიმე სხვა ჯგუფთან. დროშის შექმნის იდეაც სწორედ აქედან გაჩნდა – 2010 წლის ზაფხულში დროშის დიზაინი მომხმარებლებმა ინტერნეტის საშუალებით, ხმის მიცემით აარჩიეს.
ასექსუალების დროშა ოთხი ფერისგან შედგება და თითოეულს თავისი მნიშვნელობა აქვს:
შავი – ასექსუალობა
ნაცრისფერი – ასექსუალობა და დემისექსუალობა
თეთრი – არაასექსუალი პარტნიორები და მხარდამჭერები
იასამნისფერი – საზოგადოება, ერთიანობა
2010 წლის შემდეგ, ასექსუალების დროშის გამოყენება მთელი მსოფლიოს მასშტაბით დაიწყეს. მისი ნახვა სხვადასხვა აქსესუარებზე, ტანსაცმელსა და აღლუმებზეც ხშირად არის შესაძლებელი.
