Prague Pride-მა ლგბტ+ ადამიანებისთვის ახალი საზოგადოებრივი ცენტრი გახსნა – ცისარტყელას სახლი.
„ახალი სივრცის მთავარი მიზანი უსაფრთხო გარემოს შექმნაა, რომელშიც ყველას შეუძლია წარმოაჩინოს საკუთარი თავი, მიუხედავად ორიენტაციისა, თუ გენდერული იდენტობისა,“ – ამბობს ჰანა ტრეშტიკოვა, პრაღის საკრებულოს მრჩეველი კულტურის საკითხებში.
მსოფლიოში შექმნილი კოვიდ ვითარებიდან გამომდინარე, ცენტრში საჯარო ღონისძიებები წლის ბოლომდე არ გაიმართება. თუმცა, იანვრიდან ვიზიტორებს შეეძლებათ ღია კარის დღეებზე დასწრება.
ცენტრის მთავარ ოთახში არის ბიბლიოთეკა, სამაგიდო და კომპიუტერული თამაშები, ასევე, ვიზიტორებს შეეძლებათ მეგობრებთან ერთად უბრალოდ სასაუბროდ მისვლა, ან საზოგადოების სხვა წევრების გაცნობა.
ცისარტყელას სახლი 40 ადამიანზეა გათვლილი. ის ლექციებს, დისკუსიებს, ჩვენებებსა და მხარდამჭერ ჯგუფებსაც უმასპინძლებს.
ახალი საზოგადოებრივი ცენტრი სიმბოლურად ადამიანის უფლებათა დაცვის დღეს, 10 დეკემბერს გახსნეს.
წყარო: praguemorning
