ამ წუთებში მიმდინარეობს სასამართლო პროცესი საქალაქო სასამართლოში, სადაც 5 ივლისს ძალადობაში ბრალდებული დავით კუტალაძის საქმეს განიხილავენ. ბრალდებულის ადვოკატი, სერგი ხურციძე გეგმავს, წამოაყენოს შუამდგომლობა პატიმრობის გირაოთი შეცვლის შესახებ.
TV პირველის გადამღებ ჯგუფზე, ლექსო ლაშქარავასა და მირანდა ბაღათურიაზე ძალადობაში ბრალდებულ დათო კუტალაძეს აღკვეთის ღონისძების სახით პატიმრობა 13 ივლისს შეეფარდა.
შეგახსენებთ, რომ 5-6 ივლისს მოძალადე ჯგუფებმა დაარბიეს თბილისი პრაიდის ოფისი, თავს დაესხნენ თემის წევრებს, დაშავდა ათობით ჟურნალისტი, ლექსო ლაშქარავა კი 11 ივლისს გარდაიცვალა. არსებობს უამრავი კადრი, რომელიც ასახავს ამ ფიზიკურ ძალადობას, მაგრამ დავით კუტალაძის ადვოკატების თქმით: „პროკურატურამ ვერ წარმოადგინა ვერანაირი მტკიცებულება, რომელიც დავით კუტალაძის ბრალეულობას ფიზიკურ ძალადობაში დაადასტურებს“
პროცესი საქალაქო სასამართლოში ჯერ არ დასრულებულა, სადაც მტკიცებულებების დასაშვებობაზე მოთხოვნის შემთხვევაში, აღკვეთის ღონისძიების შეცვლაზე იმსჯელებენ.
ფოტო: ტელეკომპანია ფორმულა
