სერიალების ვარსკვლავი და მოდელი, ეკვადორელი რობერტო მანრიკე გასულ კვირას დაქამიგაუთდა. მან ვიდეო გამოაქვეყნა, რომელშიც საუბრობს იმაზე, რომ გეია. „იყო დღეები, როდესაც არ ვიცოდი, რა ხდებოდა ჩემ თავს, თუმცა როდესაც სიღრმეში ჩავედი, გავაცნობიერე, რომ იდენტობის აღიარება საკუთარი თავის სიყვარულის კულმინაცია იყო ამ დიდ მოგზაურობაში“ – ამბობს მანრიკე.
ქამინგაუთის ვიდეოში მანრიკე საკუთარ ბავშვობასაც მიმართავს და იხსენებს, ჰეტერონორმატიული მასკულინობის რამხელა წნეხს განიცდიდა, რაც არ აძლევდა საშუალებას, ყოფილიყო ის, ვინც სინამდვილეში იყო. მსახიობის თქმით, ქამინგაუთი მასში არსებული პატარა „რობერტიტოს“ გათავისუფლებას და დანაშაულის გარეშე ცხოვრებას ემსახურებოდა, რასაც პატარაობისას გრძნობდა.
„მე მყავს შესანიშნავი ბოიფრენდი, რომელთან ერთადაც 7 წელია ვარ. ჩვენ, ქვიარები, ვართ მოსიყვარულე, სრულყოფილი და მშვენიერი ადამიანები. თქვენ არ უნდა იგრძნოთ თავი დამნაშავედ იდენტობის გამო. ქვიარებო, თქვენ სრულყოფილები ხართ!“ – მიმართავს მანრიკე ქვიარ ადამიანებს.
წყარო: them.us
