ტორი კუპერი ამბობს, რომ მან, როგორც ადვოკატმა, პირველად თქვა თავისი სიტყვა, როდესაც დაავადებათა კონტროლისა და პრევენციის ეროვნული ცენტრის მიერ განხორციელებულ პროექტზე მუშაობდა. ტორიმ და მისმა კოლეგამ – ასევე ტრანსგენდერმა ადვოკატმა, ტრანსგენდერი ქალებისთვის აივ ინფექციების შემცირების პროგრამას გაუკეთეს ადაპტირება. ასე დაიწყო ტორის წინსვლა.
კუპერი ახლახანს დაინიშნა პრეზიდენტის მრჩევლად აივ ინფექციების მიმართულებით და მას არა მხოლოდ 30-წლიანი გამოცდილება აქვს სფეროში, რომელსაც ქვეყნის სასარგებლოდ გამოიყენებს, არამედ აქვს ხმაც პრეზიდენტის მრჩეველთა გუნდში, როგორც შავკანიან ტრანსგენდერ ქალს.
შავკანიანებისთვის, მათ შორის შავკანიანი ტრანსგენდერებისთვის, აივ ინფექციის მართვისთვის ყველაზე დიდი ბარიერი რასიზმია. ბევრი მიიჩნევს, რომ პრობლემის გადასაჭრელად თემისთვის ინვესტიციების გამოყოფაა საჭირო. ასევე ფიქრობენ, რომ სიტუაციის გამოსასწორებლად და უკეთესი მართვისთვის საგრანტო პროგრამების დიდი ნაწილი უნდა გადავიდეს იმ ორგანიზაციებზე, რომლებსაც სათავეში შავკანიანები უდგანან.
იმ ტრანსგენდერ ადამიანებს, რომლებსაც პირადობის მოწმობაში შესაბამისი გენდერის აღმნიშვნელი სიტყვა უწერიათ (და არა ბიოლოგიური სქესის მიხედვით), უფრო უადვილდებათ საჭირო სამედიცინო სერვისების მიღება და ხარჯებს დაზღვევაც ფარავს. ტრანს ადამიანებს იგივე საჭიროებები აქვთ, რაც ყველას, თუმცა, მაგალითად, ტრანსგენდერ ქალებს სჭირდებათ პროსტატის კვლევა ჰეტეროსექსუალი ქალებისგან განსხვავებით. ასევე, ტრანს კაცებს სჭირდებათ გინეკოლოგიური კვლევები ჰეტეროსექსუალი კაცებისგან განხვავებით. აქედან გამომდინარე, საჭიროა, გათვალისწინებული და აღიარებული იყოს სპეციფიკური საჭიროებები, რათა სამედიცინო ხელმისაწვდომობა ყველას თანაბრად ჰქონდეს.
ტორი კუპერი მიიჩნევს, რომ ხელს შეუწყობს საკანონმდებლო სისტემას, იყოს მეტად ინკლუზიური და იმედოვნებს, რომ სამომავლოდ მეტი მრავალფეროვნება იქნება როგორც საკანონმდებლო, ისე აღმასრულებელ ორგანოებში.
წყარო: nbcnews.com
