დღეს, 20 ნოემბერს, კოლორადოში მდებარე გეი კლუბში მასობრივი სროლის შედეგად 5 ადამიანი დაიღუპა და 18 დაშავდა.
“დავაკავეთ ერთი ეჭვმიტანილი, რომელიც, ვფიქრობთ, მომხდარის დროს კლუბის სივრცეში იმყოფებოდა”, – განაცხადა პოლიციამ, რომელიც ადგილზე ცხელ ხაზზე შესული არაერთი ზარის შემდეგ მივიდა.
ეჭვმიტანილს, რომელიც პირობით მსჯავრდებული იყო, ასევე აღენიშნება დაზიანებები.
პოლიციას არაფერი უთქვამს დანაშაულის მოტივის შესახებ, თუმცა აღნიშნეს, რომ საქმეში უკვე ჩაერთო FBI. ადგილზე სასწრაფო დახმარების 11 მანქანა იყო მობილიზებული.
Club Q-ის სოციალურ ქსელში გამოქვეყნებულ განცხადებაში წერია: “შეძრწუნებულები ვართ თემზე მიტანილი ცივსისხლიანი თავდასხმით”.
