სულ ახლახანს ლონდონში ჰარი პოტერის პრიქველის, “ჯადოსნური ცხოველების” მორიგი ნაწილის პრემიერა შედგა, ფილმი ჩინეთის კინოგაქირავების სახლებმაც შეიძინეს, თუმცა ფენტეზის ჟანრის ფილმიდან ის კადრები ამოჭრეს, სადაც დამბლდორი თავის სექსუალურ იდენტობაზე საუბრობს.
ჯადოსნური სამყაროს ფანები ნიუტ სკამანდერს, რომლის როლსაც ოსკაროსანი ედი რედმეინი ასრულებს, 2016 წელს შეხვდნენ. ფრენჩაიზის მესამე ფილმში ვხვდებით გელერტ გრინდელვალდს, რომლის როლსაც მეორე ნაწილში ჯონი დეპი ასრულებდა, თუმცა შემდეგ მედს მიკელსენით ჩაანაცვლეს. ”ჯადოსნური ცხოველების” მორიგ ფილმს “დამბლდორის საიდუმლოებები” ჰქვია და მასში აღწერილია დამბლდორის ახალგაზრდობის წლები, მათ შორის, რომანტიკული ურთიერთობა გრინდელვალდთან.
Dumbledore confesses his love for Grindelwald in new #SecretsOfDumbledore TV spot pic.twitter.com/xKL2KLbp3K
— ScreenTime (@screentime) March 17, 2022
ინტერნეტში გავრცელდება ინფორმაცია იმის შესახებ, რომ ჩინეთში ის დიალოგები, სადაც დამბლდორი თავის სექსუალურ იდენტობაზე საუბრობს, ამოჭრილია და ეს სრულიად ცვლის ფილმის შინაარს, რადგან ფილმს “დამბლდორის სიადუმლოებები” ჰქვია და მასში აღწერილია ჰოგვორტსის დირექტორისა და პოტერის მენტორის ის მხარეები, რომლებიც ჰარი პოტერის წიგნებში არ გვინახავს.
ცენზურასთან დაკავშირებით განცხადება გაავრცელდა Warner Brothers-მა:
“ჩვენ ყოველთვის მზად ვართ, დავიცვათ თითოეული ფილმის მთლიანობა, თუმცა სენსიტიური მიზეზების გამო სხვადასხვა ბაზარზე აუცილებელი ხდება ნიუანსური ჭრების გაკეთება. ჩვენ ვიმედოვნებთ, რომ ჩვენს ფილმებს ისე გავუშვებთ მსოფლიო კინოთეატრებში, როგორც მისმა შექმნელებმა მოიტანეს ჩვენამდე, თუმცა ხანდახან იძულებულები ვართ, პატარა რედაქტირებები შევიტანოთ ფილმებში. Fantastic Beast-ის შემთხვევაში მოითხოვეს 6-წამიანი ცვლილებები ადგილობრივი მოთხოვნების შესასრულებლად, მაგრამ ფილმის სულისკვეთება ხელუხლებელი რჩება”.
ფილმის პრემიერა საქართველოს კინოთეატრებში 14 აპრილს შედგება.
