ქალთა ფონდმა კვლევის “იკითხე სტრიქონებს შორის” პრეზენტაცია გამართა.
კვლევა ეხება შავი ზღვის რეგიონში ქალთა და ადამიანის უფლებადაცვითი ორგანიზაციების, ქვიარ კოლექტივებისა და აქტივისტების გამოცდილებას მიმდინარე კრიზისების ფონზე, რომელთა შორისაა Covid-19 პანდემიის შედეგები და რუსეთის ომი უკრაინის წინააღმდეგ.
კვლევის შედეგები ფემინისტმა მკვლევარმა და აქტივისტმა, ნუკრი ტაბიძე წარადგინა.
კვლევა 2022 წლის მარტი-დეკემბრის შუალედში ჩატარდა და უკრაინაში, ბულგარეთსა და საქართველოში 70-მდე აქტივისტი და სამოქალაქო სექტორის წარმომადგენელი გამოიკითხა.
ნაშრომი შემდეგ ძირითად საკითხებს მოიცავს:
- უკრაინის ქალთა უფლებადამცველი ორგანიზაციების ზოგადი გამოცდილება 2022 წელს, მათი მდგომარეობა სრულმასშტაბიანი ომის დაწყებამდე და მის შემდეგ;
- როგორ ფუნქციონირებს საქართველოში ქალების მართული სახელოვნებო, ფემინისტური, ქვიარ და პოლიტიკური სივრცეები? აღნიშნული კრიზისების გავლენა მათ ცხოვრებაზე და თანამშრომლობა საქართველოში მოქმედ სხვა აქტივისტურ კოლექტივებთან;
- როგორი იყო სსო-ების რეაგირება პანდემიითა და ომით გამოწვეულ კრიზისზე ბულგარეთში, მათი ურთიერთობა მთავრობასთან და პროფესიული გადაწვის პრევენცია.
