სიყვარული, ტყუილები, სისხლდენა – კრისტენ სტიუარტს ახალ ქვიარ ფილმში გადაიღებენ

ქვიარ მსახიობ კრისტენ სტიუარტს, რომელიც რამდენიმე თვის წინ ოსკარის ნომინანტი გახდა, ახალ ქვიარ ფილმში გადაიღებენ.

ახალ ფილმს „სიყვარული, ტყუილი, სისხლდენა“ (Love Lies Bleeding) ჰქვია და მასზე ბრიტანელი რეჟისორი, როს გლასი იმუშავებს.

როგორც ცნობილია, რომანტიკულ ქვიარ ტრილერში მოქმედება ბოდიბილდერების სამყაროში განვითარდება და ამერიკულ ოცნებასა და ეგოთი ნაკარნახევ სურვილებზე მოგვიყვება.

ფილმში კრისტენ სტიუარტი ერთ-ერთი ბოდიბილდერი ქალის შეყვარებულის როლს შეასრულებს. ჯერჯერობით უცნობია, თუ ვინ იქნება სტიუარტის მეწყვილის როლში.

როგორც ფილმის შემქმნელები ამბობენ, ფილმი ბოდიბილდერების რთულ და დაუნდობელ ცხოვრებას გვაჩვენებს.

„სიყვარული, ტყუილები, სისხლდენა“ როს გლასის მეორე ფილმია. რეჟისორს ეკუთვნის 2019 წლის ფსიქოლოგიური ჰორორი „წმინდა მაუდი“ (Saint Maud).

კრისტენ სტიუარტმა ოსკარის პირველი ნომინაცია გასულ წელს მიიღო ფილმისთვის „სპენსერი“, რომელშიც მსახიობი პრინცესა დიანას როლს ასრულებს.

მსახიობი ოსკარის დაჯილდოების წითელ ხალიჩაზე თავის საცოლესთან, დილან მეიერთან ერთად გამოჩნდა.

ჯერჯერობით უცნობია, როდის გამოვა ახალი ფილმი ეკრანებზე.