იტალიაში ათასობით ადამიანმა მიაგო პატივი მოკლულ ახალგაზრდა ქალს, ჯულია ჩეკეტინს, 22 წლის სტუდენტს ვენეციის მიმდებარე პატარა ქალაქიდან. ჯულია ბიო სამედიცინო ინჟინერიის სტუდენტი იყო და 6 დეკემბერს უნივერსიტეტს ამთავრებდა. ის 5 დეკემბერს ყოფილმა მეგობარმა კაცმა მოკლა.
მკვლელობა შოკისმომგვრელი იყო იტალიელებისთვის, რამაც მასობრივ ეროვნულ პროტესტს დაუდო საფუძველი. პროტესტის მონაწილეები მოითხოვენ ქალების დაცვას და ცვლილებებს, რათა გადაიდგას კონკრეტული ნაბიჯები ამ მიმართულებით.
მკვლელმა დანაშაულის დაკავების შემდეგ ბრალი აღიარა. გავრცელებული ინფორმაციით, მან ვერ მიიღო ის ფაქტი, რომ ჯულიამ მათი ურთიერთობა დაასრულა.
იტალიის პირველმა ქალმა პრემიერ-მინისტრმა განაცხადა, რომ აპირებს სკოლებში ჩაატაროს საგანმანათლებლო კამპანია, რათა ერთხელ და სამუდამოდ დასრულდეს იტალიაში ღრმად ფესვგამდგარი მიზოგინია.
