ქვიარ ოჯახი სიძულვილის კამპანიის მსხვერპლი მას შემდეგ გახდა, რაც სასურსათო ქსელის, VkusVill-ის რეკლამაში მიიღო მონაწილეობა, სადაც მათი ფოტო იყო გამოსახული. მოგვიანებით, კომპანიამ ბოდიში მოიხადა და ქვიარ ოჯახის ფოტო ჰეტეროსექსუალი ოჯახის ფოტოთი ჩაანაცვლა.
დედა, სახელად იუმა და მისი შვილი ალინა ლესბოსელები არიან და ოჯახად ცხოვრობენ ქალ პარტნიორებთან ერთად. „ჩვენ ძალიან გადაღლილები და დათრგუნულები ვართ. ბარსელონაში გადმოვედით და იმედია, აქ უსაფრთხოდ ვიქნებით“ – ამბობს მილა.
ოჯახს მშობლიური ქვეყნის დატოვება მოუწია, რადგან მათ მიმართ აგორებულ სიძულვილის კამპანიას თავდასხმები მოჰყვა, ასევე, მკვლელობისა და გაუპატიურების მუქარები. „რუსეთში ჩვენ ვერ ვსარგებლობთ ისეთი საბაზისო უფლებებით, როგორიც ოჯახის ყოლაა“, – ამბობს იუმა, რომელიც თავის დროზე მშობლებმა ორიენტაციის გამო უარყვეს.
ჰომოფობიური განწყობები რუსეთში ყველასათვის ცნობილია. 2013 წლიდან მოქმედებს კანონი, რომელიც ჰომოსექსუალობის ყველანაირ გამოხატულებას კრძალავს.
ლესბოსელი ოჯახი მხარდამჭერებს მადლობას უხდის და იმედოვნებს, რომ ოჯახის წევრებთან ერთად ცხოვრებას უსაფრთხოდ შეძლებს.
სტატიის წყარო: https://www.bbc.com/news/world-europe-58103833
